સ્વર્ગ અને નર્ક

                  સંતોષ : જીવનમાં સંતોષ છે ત્યાં સ્વર્ગ છે. માણસની ઇચ્છાઓનો કોઈ જ અંત જ નથી. એક ઈચ્છા પૂરી થાય ત્યાં તો બીજી ઉભી જ હોય અને આથી વ્યક્તિઓની જિંદગી ઈચ્છાઓ પૂરી કરવામાં  જ પૂરી થઈ જાય છે. પણ જે વ્યક્તિ જેટલું મળ્યું તેમાં સંતોષ માને તો તેને સ્વર્ગની અનુભૂતિ થાય છે. દા. ત. એક ઝુંપડા આગળ સેવાભાવ વ્યક્તિઓ અનાજ અને ભોજન આપવા આવ્યા ત્યારે ઝુંપડા માંથી એક વૃદ્ધે બહાર આવી કહ્યું ભાઈ મારી પાસે આજના દિવસના સવાર અને સાંજના ભોજનની વ્યવસ્થા થઈ ગઈ છે. જેથી મારા કરતાં વધારે જરૂરિયાતવાળાને આ અનાજ આપો. માત્ર બે ટંકનું ભોજન જ પોતાની પાસે હોવા છતાં કોઈ લોભ નહીં, જેટલું મળ્યું તે પણ ઘણું છે. તેવી સમજ સ્વર્ગ ઉભું કરી શકે છે. એટલે કે જીવનમાં સમાધાન, સહકાર, સમર્પણ અને સંતોષને સ્થાન આપીશું. આપણા વ્યવહારમાં આચરણ તેને સ્થાનઆપીશું તો ચોક્કસ આપણા પરિવારને સ્વર્ગ જેવું સુખ પ્રાપ્ત થશે તેમાં કોઈ બે મત નથી. જય ગુરુદેવ …