વાણી અને વર્તનમાં ઘણો ફેર છે

                સત્ય અને અસત્યનો ભેદ તો સૌ કોઈ સમજી જ શકે છે. આપણી આંખ બંધ કરી દેવાથી દુનિયાનું અસ્તિત્વ માટી જતું નથી, આપણે પોતે જ આપણો ઉધ્ધાર કરવામાટે ગુરુ શરણમાં સામે ચાલીને ગયેલ છીએ અને આપણને જો આ ભવમાં જ મુક્તિ મેળવવી હશે તો આપણે રહેણી કારની એક કરવી પડશે એના વિના છૂટકો નથી. માટે જ તો કબીર સાહેબે કહ્યું છે “ કહતે હૈ મગર કરતે નહીં, મુખકે બડે લબાડ, ખાયેગા જૂતે કે માર સાહેબ કે દરબાર” જે જાણે છે કહે છે પણ પોતે આચરણ કરતાં નથી તેની ગણતરી કબીર સાહેબે (લબાડ) મુર્ખમાં કરી છે. કેમકે આવા લોકો સાચો માર્ગ જાણતા હોવા છતાં આપ સ્વાર્થમાં ખરા માર્ગને છુપાવીને ખોટા માર્ગે ચાલે છે અને આવા અધર્મને જ ધર્મમાં ખપાવવાને અન્યને પણ એવું આચરણ કરવાથી ફરજ પાડે છે અને અજ્ઞાન, અવિદ્યા અને અંધશ્રધ્ધાનો ફેલાવો કરે છે. સારું થાય સંતોનું કે જેઓ યુગે યુગે અવતરીને આવા અધર્મીઓની ચુંગાલમાંથી જેટલા હાથ આવ્યા એટલાને ઉગાર્યા છે. ધન્યવાદ છે સંતનો માર્ગ બતાવ્યો. સતપંથ ધર્મ આદિ અનાદિથી સનાતન ધર્મ આપણને સદગુરુએ બતાવ્યો. જેના પંથે “જગદગુરુ શ્રી બ્રહ્મલીન કરસનદાસજી મહારાજ”, “જગદગુરુ શ્રી નાનકદાસજી મહારાજ”,”મહંત શ્રી શીવગણદાસજી મહારાજ”, “સંતશ્રી રામદાસબાપુ”,”સંતશ્રી નથ્થુરામ બાપા”,”સંતશ્રી તુલસીબાપા”, “સંત શ્રી નારણબાપા” જેવા આંતઓએ પોતે અગરબતી જેમ સળગી સમાજને જ્ઞાન રૂપી મહેક પ્રસરાવી વર્તમાનમાં ઘણા સંતો મહક પ્રસરાવી રહેલ છે કે જેમણે રહેણી કરણી એક કરીને સદગુરુ એ બતાવેલ રહને વળગીને અભેદ આત્મજ્ઞાન, ભક્તિમાર્ગને પામ્યા. આપણા સૌના પથદર્શક બનાવ્યા અને આવા મહાપુરુષોના જીવનમાં દાખલા દષ્ટાંત આપીને સત્સંગ પ્રવચનમાં આપણને રહેણી કરણીથી જીવવું તે સત્ય જ્ઞાન બતાવ્યું અને રહેણી કરણીમાં રહેવાની શીખામણ આપી છે તો આપણા સતપંથમાં સદગુરુએ બતાવેલા રહને વળગીને અભેદ આત્મજ્ઞાનને પામીએ એજ સત્યજ્ઞાન છે.

જય ગુરુદેવ.